Sunday, March 18, 2007

Women- Pakao aur Matlabi

To all the men out there who feel that Women are sick, intolerable creatures who are better away from your lives, I've only this to say- You are absolutely right! Auratein toh jamn se hi pakao hoti hain! Saari auratzaat hai-ich aisi! Kasam se!

Kitchen mein jaati hai toh pakati hai! Kabhi Dal, toh kabhi chawal, toh kabhi biryani toh kabhi Murgi! Saala aadmi karega bhi toh kya! Aakhir khana hi padta hai! Nahin toh usko bura lagega na! Akhir aadmi log sab ka khayal rakhtey hain... sab ke feelings ka khayal rakhtey hai- Aurat pakati rehti hai, aur acche aadmi khaatey rehte hain!

Bachhe ko pet mein pakati hai...... baccha kaccha duniya mein aakar baad mein pakega toh odd lagega na.... Isliye yeh aurat bhi na....usko pet mein pakana shuru karti hai! Can you imagine- Pet? Stomach? Chee... arre pet mein toh kitne organs hotey hai... kitna ganda hota hai... fir bhi... aurat hai ha.... usko akal toh kam hi hogi na!

Jab bacche paida hotey hai.... fir unko bhi pakao! Jhoot boley toh pakana shuru, kuch galat kaho toh pakana shuru, kuch galat khao toh pakana shuru.... Aisa hoga... waise hoga... aur na jaane kya kya! Tumhari Mummy pakao hai, meri mummy bhi. Sabki mummy.... Aakhir Aurat hi pakao joh thehri !!!

Aur biwiyaan toh pakane mein maahir hain ! Dimaag ki dahi karti hain.... Haan ghar ka khayaal karti hai... pati ka khayaal karti hai... aur aadat ke mutabik kitchen mein pakati hai aur husbands ko bhi ! Ghar mein ek tarah ka rounak laati hain..... lekin pakao style mein!

Aur aadmiyon ko dekho kitne acche hotey hain- Sab ladkiyon ka khayaal karte hain. Sirf ek ko dekho toh doosri ko bura lagega na! Isliye sab ke baare mein sochtey hain! Aur yeh Mean ladkiyan- Ya toh sirf ek boyfriend ke baare mein sochengi ya sirf ek wohi gheesa pita husband! How mean and boring!

Toh kya hua khud ki biwi ho toh...... So many girls are unmarried in this world. Aur ek affair ya shaadi karke unki (unmarried girls ki) life settle karwani ki sochtey hain! Social service ka kaam hai yeh! Auraten aisa sochti hain kya?

Auraten toh jamn se hi matlabi aur pakao hoti hain
, sacchi!

No comments: